På basis av evalueringa de har gjort, fatt ei avgjerd om vegen vidare.

Det er tre moglege utfall av evalueringa:

Avslutte stafettloggen: Tiltaka har hatt ønska effekt, og det er ikkje lenger grunn til å uroa seg. Sjå rutine for stafettlogg for meir informasjon om korleis avslutte stafettlogg.

Hald fram med arbeidet på nivå 1: Tiltaka har hatt effekt, men de er ikkje heilt i mål. Vurder om det er nødvendig å gjere endringar på tiltak. Oppdater stafettlogg saman med føresette.

Behov for tverrfagleg samarbeid: Tiltaka har ikkje hatt ønska effekt. De ser behov for hjelp frå andre tenester i arbeidet. Her finn du informasjon om tenester i Osterøy kommune, og korleis ta kontakt eller søke om hjelp. Om de er usikker på kva tiltak eller teneste som kan vere aktuelt, vurder å meld saka opp til tverrfagleg drøftingsteam.

Uavhengig av korleis tiltaka fungerer, kan det også vere aktuelt å ta kontakt med andre tenester som allerede arbeider med barnet/ungdommen dersom ein kjem fram til at det kan styrke oppfølginga. Etter samtykke frå foreldre i stafettloggen tar stafetthaldar kontakt med aktuell teneste/person, gjer kort informasjon om saka, avtaler tidspunkt for stafettloggmøte og inviterer personen inn i stafettloggen.

Flytskjema for å avgjere vidare oppfølging:

Flytskjema for å vise ulike alternativ for vegen vidare nivå 1.

Framgangsmåte for å invitere fleire tenester inn i arbeidet:

PPT: Dersom de vurderer at det er nødvendig å ta kontakt med PPT, drøft saka i pedagogisk utviklingsteam og følg vidare rutine for dette arbeidet. Privatpersonar finn kontaktinformasjon her: Tenester og tilbod – Osterøy – BTI

Barn og familieteamet: Dersom det er ny sak for barn og familieteamet, bruk søknadsskjema som ligg her: Barn- og familieteamet - Osterøy kommune. Skriv i søknad at det er oppretta stafettlogg på nivå 1, og at ein ønsker å halde fram med stafettloggarbeidet på nivå 2. Dersom nokon frå barn og familieteamet er inne og arbeidar med familien frå før av, kan stafetthaldar ta direkte kontakt med denne personen. Følg då rutine for tenester nedanfor:

Tenester som helsestasjon, skulehelsetenesta, barnevernet, skular, barnehagar, ergo/fysio, NAV, kulturskulen, og ressurssenteret: Etter samtykke frå føresette/ungdom over 15år tar stafetthaldar tar kontakt med aktuell teneste, og gjer kort informasjon om saka og avtaler tidspunkt for stafettloggmøte. Bli einig med føresette/barnet/ungdommen om ein skal invitere inn i sjølve stafettlogg før oppstartsmøte eller på oppstartsmøte.

Det er også mogleg å invitere inn andre som til dømes andre familiemedlem, viktige personar i barnet/ungdommen sitt nettverk, fritidskontaktar og besøksheim. Men tenk over om det er personar som skal ha ansvar for tiltak knytt til dei ulike måla, eller om det er tilstrekkeleg å gje dei informasjon utanom stafettloggmøter. Begge delar krev sjølvsagt samtykke frå føresette/ungdom over 15år.